Բաունտի ռուլետը պատրաստելու համար շատ ջանքեր չեն պահանջվում: Փորձելով մի անգամ՝ այն անշուշտ հաճախ կպատրաստեք:
Անհրաժեշտ բաղադրիչներ.
- թխվածքաբլիթ՝ 200գ
- շաքարավազ՝ 20գ
- կակաո՝ 2ճ.գ.
- ջուր՝ 100մլ
- կոկոսի քերուկ՝ 80գ
- կարագ՝ 80գ
- շաքարի փոշի՝ 60գ
Պատրաստման եղանակ.
- Թխվածքաբլիթը փշրել, ավելացնել կակաոն և խառնել: Շաքարավազը լուծել տաք ջրի մեջ և քիչ-քիչ ավելացնել փշրած թխվածքաբլիթին՝ անընդհատ խառնելով: Պիտի խիտ զանգված ստացվի:
- Կարագը հարել շաքարի փոշու հետ և խառնել կոկոսի քերուկի հետ: Սննդային տոպրակի վրա լցնել թխվածքաբլիթի զանգվածը, և հետո հավասարաչափ քսել կոկոսի կրեմը: Փաթաթել ռուլետը: Դնել սառցարանը և թողնել 1 ժամ:
- Կտրատել սուր դանակով:
Բարի ախորժակ…
