Համոզված ենք, որ տորթը ձեզ դուր կգա․ այն կդառնա ձեր սեղանի իսկական զարդարանքը։
Անհրաժեշտ բաղադրիչներ․
- ձու՝ 3 հատ
- թթվասեր՝ 200գ
- շաքարավազ՝ 180գ
- խտացրած կաթ՝ 200մլ
- ալյուր՝ 250գ
- կակաո՝ 20գ
- վանիլին
- փխրեցուցիչ՝ 1թ․գ․
միջուկի համար․
- սալորաչիր՝ 190գ
- չամիչ՝ 140գ
- ընկույզ՝ 100գ
կրեմի համար․
- թթվասեր՝ 1կգ
- շաքարի փոշի՝ 200գ
ջնարակի համար․
- սև շոկոլադ՝ 160գ
- կարագ՝ 90գ
Պատրաստման եղանակ․
Ձուն հարել՝ մինչ փքուն զանգված կստացվի, ավելացնել շաքարավազը, վանիլինը, կրկին հարել։
Լցնել թթվասերը և խտացրած կաթը, հարել։
Ալյուրը միացնել փխրեցուցիչի հետ և մաղելով՝ մաս-մաս ավելացնել ձվային զանգվածին և շարունակել հարել։
Հարելու ընթացքում ավելացնել կակաոն։
Տապակը ծածկել յուղաթղթով, ձեթ քսել և լցնել խմորը։
Ջեռոցը տաքացնել մինչ 180 աստիճանի և թխել բիսկվիթը մոտ 40 րոպե։
Մանր կտրատել սալորաչիրը, ընկույզը։
Թթվասերը խառնել շաքարի փոշու հետ և հարել՝ մինչ խիտ կրեմ կստացվի։
Սառած բիսկվիթը կտրել երեք շերտի։ Վերջին շերտը կտրատել միջին չափի կտորների։
Տորթ հավաքել․ կորժերին կրեմ քսել, լցնել չամիչ, ընկույզ և սալորաչիր։
Կտրատած բիսկվիթի կտորները թաթախել կրեմի մեջ և դնել որպես երրորդ շերտ։
Լցնել մնացած կրեմը, բաշխել կողքերի հատվածներին և 1 ժամով ուղարկել սառնարանը։
Հալացնել շոկոլադը, կարագ ավելացնել և խառնել։ Դրանով էլ զարդարել տորթը։
Բարի ախորժակ։
Նյութը հրապարակման պատրաստեց Arajininfo.ru կայք