Այս բիսկվիթից պատրաստում են տարատեսակ տորթեր՝ կորժերին քսելով ցանկացած կրեմ և մրգերով, հատապտուղներով, քերած շոկոլադով զարդարելով:
Անհրաժեշտ բաղադրիչներ.
- ձու՝ 4 հատ
- ալյուր՝ 100գ
- կակաո՝ 50գ
- շաքարավազ՝ 200գ
- փխրեցուցիչ՝ 0,5 թ.գ.
- կարագ՝ թավային քսելու համար
Ինչպես պատրաստել շոկոլադե բիսկվիթը.
Բարձր բիսկվիթ պատրաստելու համար անհրաժեշտ է առանձնացնել ձվի դեղնուցներն ու սպիտակուցները:
Սպիտակուցը դնել սառնարանը, իսկ դեղնուցին ավելացնել 100գ շաքարավազ և հարել՝ մինչ միասեռ զանգված ստանալը:
Միացնել ջեռոցը՝ տաքացնելով մինչ 200 աստիճան:
Սառնարանից հանել սպիտակուցները և հարել՝ մինչ խիտ սպիտակ զանգված ստանալը: Հարած սպիտակուցին մաս-մաս ավելացնել 100գ շաքարավազ՝ շարունակելով անդադար հարել:
Առանձին տարայի մեջ մաղել ալյուրը, կակաոն և ավելացնել փխրեցուցիչը:
Հարած դեղնուցը մաս-մաս ավելացնել սպիտակուցին՝ ներքևից վերև լավ խառնելով, և քիչ-քիչ ավելացնել մաղած ալյուրն ու կակաոն:
Երկար խառնել հարկավոր չէ, քանի որ բիսկվիթը չի բարձրանա:
Ջեռոցի թավային կարագ քսել, խմորը լցնել և դնել ջեռոցը: Թխել 170 աստիճանի տակ:
Առաջին 30 րոպեի ընթացքում ջեռոցը բացել չի կարելի: Բիսկվիթը պատրաստ է լինում 30-40 րոպեից, կարելի է ստուգել փայտե չոփիկի օգնությամբ:
Պատրաստի կորժը կարելի է կտրել 2-3 շերտի և ցանկացած տորթ պատրաստել:
Բարի ախորժակ…
