Շատ հաճախ չի հաջողվում խանութից տաք հաց գնել, եթե նույնիսկ ստացվում է, միևնույնն է, տանը պատրաստածն ավելի համեղ է լինում:
Հաց թխելն այնքան էլ բարդ չէ: Այսօր կներկայացնենք տնական բատոն թխելու տարբերակ.
Անհրաժեշտ բաղադրիչներ.
- ալյուր՝ 250գ
- խմորիչ՝ 6գ
- աղ՝ 4գ
- կարագ՝ 30գ
- կաթ՝ 100մլ
- ջուր՝ 50մլ
Խմորին քսելու համար.
- ձվի դեղնուց՝ 1 հատ
- կաթ՝ 5 մլ
Պատրաստման եղանակ.
- Խառնում ենք չոր բաղադրիչները, ավելացնում կարագը, կաթն ու ջուրը: Խմոր ենք հունցում:
- Խմորին գնդի ձև ենք տալիս, փակում խմորի տարան և դնում տաք տեղում՝ 90 րոպեով: Հետո կրկին հունցում ենք և թողնում 10 րոպե:
- Պատրաստի խմորը բաժանում ենք 5 մասի, յուրաքանչյուր մասն ուղղանկյունաձև գրտնակում ենք և իրար միացնում խմորի ծայրերը:
- Կես ժամ թողնում ենք թավայի մեջ:
- Կես ժամ անց խմորի վրա կտրվածքներ ենք անում և քսում կաթի և հարած դեղնուցի խռնուրդը: Թխում ենք 20-30 րոպե՝ 180 աստիճանի տակ, մինչ ոսկեգույն երանգ ստանալը:
