Առաջարկում ենք պատրաստել աղացած մսով և կարտոֆիլով պարզ ուտեստ, որի համն ու բույրն անհնար է նկարագրել…այնքան ախորժելի է, սննդարար և գեղեցիկ:
Անհրաժեշտ բաղադրիչներ.
- 1կգ աղացած միս՝ ցանկացած տեսակի
- 2 սոխ
- 4 կարտոֆիլ
- 5 ձու
- 200գ պանիր
- մայոնեզ
- աղ, պղպեղ
Պատրաստման եղանակ.
Աղացած միսը համեմել աղով և պղպեղով, ցանկության դեպքում նաև աղացած սոխ և սխտոր ավելացնել:
Սոխը մանր կտրատել և տապակել ձեթի մեջ:
Կարտոֆիլն անցկացնել խոշոր քերիչով, աղ և պղպեղ ավելացնել:
Ձուն եփել, մանր կտրատել, համեմել պղպեղով, 1ճ.գ. մայոնեզ ավելացնել, խառնել: Պանիրն անցկացնել քերիչով:
Աղացած մսից կոտլետներ ձևավորել՝ 10սմ տրամաչափով: Դնել ձեթով պատված տապակի մեջ: Կոտլետների վրա դնել մի քիչ տապակած սոխ, հետո էլ նախապատրաստած ձվից:
Ձվի շերտի վրա մոտ 1 գդալ քերած կարտոֆիլ դնել, և վերջում էլ՝ պանիր: Մայոնեզ լցնել և տապակն ուղարկել տաքացրած ջեռոցը՝ եփել 180 ջերմաստիճանի ներքո, 30-35 րոպե:
Բարի ախորժակ:
Նյութը հրապարակման պատրաստեց Arajininfo.ru կայքը