Այս բաղադրատոմսով պատրաստված մարմելադն իր համային հատկություններով չի զիջում խանութից գնված քաղցրավենիքին, սակայն ինչը շատ կարևոր է՝ չի պարունակում քիմիկատներ և արհեստական սննդային հավելումներ:
Անհրաժեշտ բաղադրիչներ.
- 3-4 հատ կիտրոն
- 1 տուփ արագ լուծվող ժելատին
- 50մլ ջուր
- 2 բաժակ շաքարավազ
- 150մլ ջուր
Պատրաստման եղանակ.
Ժելատինի վրա լցնել 50մլ ջուր և թողնել, որ այն լուծվի:
Կիտրոնի կեղևը հեռացնել: Կիտրոնը մանրացնել բլենդերով:
Կաթսայի մեջ լցնել 150մլ ջուր, ավելացնել շաքարավազը և կիտրոնը:
Եփել մոտ 10 րոպե և քամել:
Ժելատինը միացնել քամած կիտրոնային զանգվածի հետ, եփել 5 րոպե և լցնել ֆորմայի մեջ:
Սառած զանգվածը 2-3 ժամով դնել սառնարանը:
Կիտրոնային զանգվածը կտրատել, թաթախել շաքարավազի մեջ և մատուցել:
Բարի ախորժակ…
