Այս բաղադրատոմսով պատրաստված խմորը ստացվում է աննկարագրելի փափուկ և համեղ:
Անհրաժեշտ բաղադրիչներ.
- չոր խմորիչ՝ 11գ
- կաթ՝ 1,5 բաժակ
- շաքարավազ՝ 100գ
- ալյուր՝ 21 ճ.գ.
- ձու՝ 2 հատ
- ձեթ՝ 2/3 բաժակ
- աղ
Պատրաստման եղանակ.
Կաթի մեջ լուծել խմորիչը և ավելացնել շաքարավազը, նաև 6ճ.գ. ալյուր: Խառնել և փակել: Կես ժամ թողնել տաք տեղում:
Ձուն հարել քիչ քանակությամբ աղի հետ և զգուշորեն ավելացնել կաթնային զանգվածին:
Ավելացնել մնացած ալյուրը և ձեթը, խմոր հունցել: Այն չպետք է կպչի ձեռքերին:
Եթե թույլ խմոր է ստացվել, ապա ալյուրի քանակը կարելի է ավելացնել:
Աշխատանքային մակերեսին ձեթ քսեք, դրեք խմորը, ծածկեք անձեռոցիկով և թողեք կես ժամ: Այնուհետև խմորը կտրեք փոքր կտորների և գնդիկներ ձևավորեք: Սպասեք ևս 15 րոպե:
Խմորի հետ աշխատելիս ձեռքերին ձեթ քսեք:
Գրտնակեք գնդիկները, ցանկացած միջուկ լցրեք, փակեք և դեղնուց քսեք՝ նախքան թխելը: Կարկանդակները դրեք 180 աստիճան տաքացրած ջեռոցը՝ 25 րոպեով:
Բարի ախորժակ: