Հյութեղ, ախորժելի և համեղ կոլոլակների պատրաստման հրաշալի եղանակ:
Անհրաժեշտ բաղադրիչներ.
- աղացած միս՝ 400գ
- բրինձ՝ 0,5 բաժակ
- սոխ՝ 1 հատ
- ձու՝ 1 հատ
- ալյուր
- աղ
- ձեթ
սոուսի համար.
- տոմատի մածուկ՝ 1թ.գ.
- ալյուր՝ 1ճ.գ.
- թթվասեր՝ 1ճ.գ.
- ջուր՝ 1,5 բաժակ
Պատրաստման եղանակ.
Բլենդերով մանրացնել սոխը կամ աղալ, ավելացնել աղացած մսին:
Բրինձը առանձին եփել, թողնել, որ մի քիչ սառի:
Միացնել աղացած միսը, ձուն, բրինձը և լավ խառնել: Կոլոլակներ ձևավորել՝ մոտ 4,5-5սմ տրամաչափով և թաթախել ալյուրի մեջ:
Կոլոլակները դնել տաքացած ձեթով թավայի մեջ:
Տապակել բոլոր կողմերից՝ յուրաքանչյուր կողմից 2-3 րոպե, առանց կափարիչը փակելու: Հետո թավայի մեջ լցնել մի բաժակ ջուր այնքան, որ ջուրը ծածկի կոլոլակների կեսը և շոգեխաշել 10-15 րոպե:
Կես բաժակ գոլ ջրին ավելացնել թթվասերը, ալյուրը և տոմատի մածուկը: Լավ խառնել, որ գնդիկներ չմնան: Լցնել թավայի մեջ և լավ խառնել: Շոգեխաշել ևս 10-15 րոպե:
Կոլոլակները կարող եք մատուցել ցանկացած խավարտի հետ:
Բարի ախորժակ:
Նյութը հրապարակման պատրաստեց Arajininfo.ru կայքը