Առաջարկում ենք պատրաստել այս համեղ օրիգինալ քաղցրավենիքը, որի համն ուղղակի աներևակայելի է:
Անհրաժեշտ բաղադրիչներ.
- ձու՝ 4 հատ
- շաքարավազ՝ 200գ
- ալյուր՝ 250գ
- ջուր՝ 450մլ
- ձեթ՝ 300մլ
- կիտրոնի հյութ՝ 15-20մլ
- կարագ՝ 80գ
Պատրաստման եղանակ.
Կաթսայի մեջ լցնել 250մլ ջուրը և կարագը: Հասցնել եռման աստիճանի՝ միջին կրակի վրա: Մաղելով լցնել ալյուրը՝ անդադար խառնելով: Դրա համար ցանկալի է փայտե գդալ օգտագործել: Պիտի միասեռ զանգված ստացվի:
Դրանից հետո կաթսան հանել կրակից: Հերթականությամբ ավելացնել հավկիթները՝ ընթացքում անդադար խառնելով: Խմորը լցնել հրուշակեղենային պարկի մեջ:
Խորը կաթսայի մեջ տաքացնել ձեթը: Փոքր կտորներով խմոր ավելացնել: Կարևոր է, որ դրանք միմյանց չկպնեն:
Երբ ոսկեգույն դառնան թուլումբաները, նշանակում է, որ դրանք պատրաստ են: Անհրաժեշտ է հանել ձեթից և դնել անձեռոցիկի վրա:
Վերջում խառնել շաքարավազն ու կիտրոնի հյութը, նաև 200գ ջուր, հասցնել եռման աստիճանի: Եվ թույլ կրակի վրա եփել մոտ 15 րոպե: Թուլումբաները դնել օշարակի մեջ և թողնել 10 րոպե:
Թուլումբան պատրաստ է, բարի ախորժակ: