Շատ հայտնի քաղցրավենիք, որը ժամանակին պատրաստում էին գրեթե բոլորի տանը:
Թխվածքաբլիթ «Ընկույզ»՝ խտացրած կաթով:
Անհրաժեշտ բաղադրիչներ.
- ալյուր՝ 3.5 բաժակ
- ձու՝ 2 հատ
- շաքարավազ՝ 3/4 բաժակ
- կարագ՝ 200գ
- սոդա՝ 0.5 թ.գ.
- քացախ՝ 1թ.գ.
- ձեթ՝ 1ճ.գ.
- աղ՝ մի պտղունձ
- եփած խտացրած կաթ՝ 1 տուփ
Պատրաստման եղանակ.
- Խառնել շաքարավազը, ձուն և աղը:
- Ավելացնել կարագը, սոդան մարել քացախով, ավելացնել մյուս բաղադրիչներին, խառնել և ավելացնել ալյուրը:
- Խմորը լավ հունցել:
- Այն պիտի փափուկ, էլաստիկ ստացվի, չկպչի ձեռքերին:
- Ընկույզ թխվածքաբլիթի համար նախատեսված ձևավոր թավային ձեթ քսել և դնել կրակին:
- Խմորից գնդիկներ պատրաստել և դնել թավայի մեջ համապատասխան տեղում:
- Յուրաքանչյուր կողմը թխել 1 րոպե:
- Թողնել, որ ընկույզները սառեն: Դրանց մեջ խտացրած կաթ լցնել և միացնել երկու կեսերը:
Ահա և վերջ, թխվածքաբլիթը պատրաստ է:
Բարի ախորժակ…