Ինչը կարող է ավելի համեղ լինել, քան տանը պատրաստված տաք, անուշաբույր, թարմ թխվածքաբլիթը։ Այն ոչ միայն համեղ է ստացվում, այլև ավելացնում է ձեր ուժերը։ Ընդամենը 15 րոպեում ստացվում է մի մեծ սկուտեղ թխվածքաբլիթ։
Անհրաժեշտ բաղադրիչներ․
- 125գ կարագ
- 100գ շաքարավազ
- 1 ձու
- 200գ ալյուր
- 2 կիտրոնների քերած կեղև
- 1/4 թ․գ․ փխրեցուցիչ
- մի պտղունձ աղ
- 3ճ․գ․ շագանակագույն շաքարավազ՝ ըստ ցանկության
Պատրաստման եղանակ․
Հարել կարագը՝ մինչ փրփուր կստացվի։ Ավելացնել ձուն և շաքարավազը և շարունակել հարել, պիտի օդային փքուն զանգված ստացվի։ Ավելացնել ալյուրը, կիտրոնի կեղևը, փխրեցուցիչն ու աղը։ Լավ խառնել։
Ձիգ խմորը ծածկել սննդային տոպրակով և 2 ժամ թողնել սառնարանում։
Տաքացնել ջեռոցը՝ մինչ 180 ջերմաստիճանի։ Սեղանի վրա ալյուր լցնել և գրտնակել խմորը՝ 0,5մմ հաստությամբ շերտ ստանալով։
Ցանկացած ֆորմայով կամ բաժակով կտրել խմորը։ Թխվածքաբլիթները դնել կարագով պատված տապակի մեջ։ Շագանակագույն շաքարավազ ցանել և թխել 10-12 րոպե։ Եզրերը պիտի մի քիչ կարմրեն։
Բարի ախորժակ։
Նյութը հրապարակման պատրաստեց Arajininfo.ru կայք
