Այս փքաբլիթները դուր կգան և մեծերին, և երեխաներին: Պատրաստվում են շատ արագ, մեծ ջանքեր գործադրելու անհրաժեշտություն չկա:
Անհրաժեշտ բաղադրիչներ.
- մածուն՝ 200մլ
- շաքարավազ՝ 4ճ.գ.
- ձու՝ 1 հատ
- վանիլին՝ 1 պտղունձ
- կարագ՝ 50գ
- ալյուր բարձր տեսակի՝ 400-450գ
- փխրեցուցիչ՝ 1թ.գ.
- ձեթ՝ տապակելու համար
- շաքարի փոշի
Պատրաստման եղանակ.
Խառնել փափկած կարագը, ձուն և շաքարավազը՝ մինչ միասեռ զանգված կստացվի:
Այնուհետև ավելացնել մածունն ու խառնել:
Ավելացնել ալյուրը՝ խառնած վանիլինի և փխրեցուցիչի հետ: Փափուկ խմոր հունցել:
Սեղանին ալյուր ցանել, կրակին դնել ձեթով թավան, որ տաքանա:
Խմորը գրտնակել՝ մոտ 1սմ հաստությամբ շերտ ստանալով: Տարբեր տրամաչափի երկու բաժակների օգնությամբ կտրել փքաբլիթներ:
Տապակել տաքացած ձեթի՝ երկու կողմից, մինչ գեղեցիկ ոսկեգույն գույն կստացվի:
Պատրաստի փքաբլիթները դնել անձեռոցիկի վրա, որպիսի ավելորդ ձեթը դուրս գա: Մատուցելուց առաջ շաքարի փոշի ցանել:
Բարի ախորժակ:
Նյութը հրապարակման պատրաստեց Arajininfo.ru կայքը
