Այս բաղադրատոմսով պատրաստված բիկսվիթը շատ հարմար է տորթերի, պիրոգների, ռոլետների պատրաստման համար:
Անհրաժեշտ բաղադրիչներ.
- 6 ձու
- 1 բաժակ շաքարավազ
- 1 բաժակ ալյուր
- 1 պտղունձ սոդա կամ 0.5թ.գ. փխրեցուցիչ
Նախքան ձուն հարելը՝ պահեք դրանք սառցարանում 10-15 րոպե: Հարեք ձուն հարիչով, մինչ դրա զանգվածը 4-5 անգամ կավելանա: Սկսեք ավելացնել շաքարավազը՝ փոքր չափաբաժիններով: Անատեք հարիչը, ավելացրեք մաղած ալյուրը, խառնեք գդալով, լցրեք նաև սոդան կամ փխրեցուցիչը:
Թխելու համար նախատեսված թավային սննդային թուղթ դրեք, ալյուր ցանեք և լցրեք խմորը: Դրեք այն 180 աստիճան տաքացրած ջեռոցը: Եթե նկատեք, որ բիսկվիթի եզրերը շուտ են կարմրել, իսկ մեջը դեռ եփած չէ, ապա իջեցրեք ջեռոցի ջերմաստիճանը:
Բիսկվիթը պատրաստ է լինում մոտ 45 րոպեից, դա կախված է թավայի տրամագծից: Առաջին 30 րոպեի ընթացքում խորհուրդ չի տրվում բացել ջեռոցի դռնակը:
Թողեք, որ կորժը սառի, և միայն այդ ժամանակ հանեք թավայի մեջից: Կորժը պատրաստ է օգտագործման:
Բարի ախորժակ…