Արամ Օրբելյանը՝ Ռոբերտ Քոչարյանի պաշտպանը հայտարարել է, որ իրենք ՄԻԵԴ են ներկայացնելու երրորդ բողոքը:
Նա նաև ասել է, որ գրավի միջնորդությունը չի քննվել, քանի որ առարկայազուրկ է դառնում որպես այդպիսին:
-Եթե բավարարվեց կալանքի երկարացման միջնորդությունը, ապա այն իր մեջ ներառում է առանձին գրավի միջնորդություն և համապատասխանաբար առանձին գրավ քննարկելը դառնում է անիմաստ, եթե մերժեց ՀՔԾ միջնորդությունը գրավի միջնորդության քննարկումը մինչև ամսի քսանը, կլինի առարկայական,-ասել է Օրբելյանը:
Նա չի բացառել, որ ՄԻԵԴ ներկայացվելիք բողքում կներառեն Եվրոպական կոնվենցիայի 18-րդ հոդվածով նախատեսված հիմքը։
Հիշեցնենք, որ Երևան քաղաքի ընդհանուր իրավասության դատարանի Կենտրոնի նստավայրում այսօր շարունակվում է ՀՀ երկրորդ նախագահ Ռոբերտ Քոչարյանի խափանման միջոցի հարցի քննությունը։
Աղբյուր՝ Մամուլ
