Ծննդյան տարեդարձի կապակցությամբ MAMUL.am-ի թղթակցի հետ զրուցելիս ՀՀ ժողովրդական արտիստ, դերասան, ռեժիսոր և սցենարիստ, Երևանի պատվավոր քաղաքացի Երվանդ Մանարյանն ասել էր․
—Աստված տվել է, ապրում ենք, երբ թելը կտրեց՝ կտրեց: Տեսնենք՝ երբ է կտրում: Ինչ-որ պետք է ասվեր, արվել է, պրծել, գնացել։
Սիրված դերասանը վերջին տարիներին զբաղվում էր ընթերցանությամբ, ինքպես ինքն էր ասում՝ «մտքովս հազար ու մի բան է անցնում. նոր մտքեր եմ ծրագրում, բայց հիմա ավելի շատ ընթերցանությամբ եմ զբաղվում»:
Թե ո՞րն է ժամանակի մեջ ամենակարևորը և ի՞նչն է, որ ուշադրության կենտրոնում պետք է պահել, արվեստագետը մատնանշել էր. «Ժամանակները շատ արագ են անցնում, շատ բան է փոխվում, ամենակարևորը, որ մեծերը, ըստ ժամանակների, կարողանան երեխաների մասին հոգալ, որ լավ սերունդ դաստիարակվի: Սա է կարևորը»:
Քրիստ Մանարյանը՝ վարպետի որդին, կիսվել է լուսանկարով և կից գրել․
-Էս ուրախ լուսանկարը երկու օրվա մեջ դարձավ պատմություն՝ սկզբից Գերմանը, հետո պապան մեզ լքեցին։
