Քո երկրի ղեկավարի դեմ դրսից թշնամանք պատվիրելը տգեղ քայլ է, եթե չասենք՝ դավաճանական։ Բայց դե եթե ներսում այդ թշնամանքը հասունացնել չի լինում, իշխանության կարոտն էլ խեդում է, ուրեմն պետք է ներմուծել, ամենահարմար երկիրն էլ, պատմական բարեկամն է։
Իհարկե, ոչ Դոստոևսկու կամ Սախորովի Ռուսաստանը, որի համար Հայաստանը բիբլիական Արարատով հաստատված է նախևառաջ ռուսական մշակույթի գիգանտի՝ հայ Այվազովսկու բնաշխարհում։ Դրա համար էլ, Հայաստան թշնամանք պատվիրողների քաղաքական նենգությունը չափվում է միայն կլանային ախորժակով, մանավանդ, երբ չափման միավոր է ընտրվում քծնանքն ու մատնությունը։ Հայաստանը մեկ անգամ արդեն ապրել է բոլշևիկների մայիսյան կրակոցների 70-ամյա ճակատագիրը։ Չափել եք արդյոք նույն մեղքը երկրորդ անգամ գործելու գինը։ Ամեն դեպքում, չափելիս չմոռանաք գազային պայմանագիրը մինչև 2043 թվականը, և առհասարակ, էներգետիկ կապիտուլյացիան, որի մասին այդպես էլ չի խոսում Ալիևին երեք-չորս ամսից հարձակվելու խորհուրդ տվողը, որ բնավ պատահական մարդ չէ իր երկրում, բայց տեսաք ինչ համաճարակային դեսերտ պատվիրեց մեզ էթնիկ թշնամի համարողի համար․․․