ՀՀ պաշտպանության նախարար Դավիթ Տոնոյանն այսօր ԱԺ–ում, լրագրողների հետ զրույցում, խոսել է իր հրաժարականի մասին տարածված լուրերի վերաբերյալ՝ հերքելով դրանք.
-«Չկա այդպիսի բան»,– ասաց Տոնոյանն` ի պատասխան լրագրողների հարցերի։
Հարցին՝ տարաձայնութուններ ունի՞ ՀՀ վարչապետ Նիկոլ Փաշինյանի հետ, Դավիթ Տոնոյանը պատասխանեց.
«Չեն կարող տարաձայնություններ լինել։ Որպես կառավարության անդամ՝ շատ սինխրոնիզացված աշխատանք է ծավալվում»:
ԱԱԾ նախկին տնօրեն Արթուր Վանեցյանի հրաժարականն ու նրա վերջինի հայտարարությունը սպայի պատվի մասին Տոնոյանը հրաժարվեց մեկնաբանել` ասելով. «Առանց որևիցե պատճառի չի լինում հրաժարական»։
Իսկ ՀՀ ոստիկանապետ Վալերիյ Օսիպյանի հնարավոր հրաժարականի մասին
Դավիթ Տոնոյանը տեղյակ չէ:
«Ես հերքում եմ այդ թեմայի հետ կապված որևէ քննարկում Ազգային անվտանգության խորհրդում», — լրագրողների հետ զրույցում ասաց նախարարը։
Լրագրողները նաև հետաքրքրվեցին՝ արդյո՞ք ուժային մարմինների ղեկավարների հրաժարականները ազգային անվտանգության տեսանկյունից վտանգ չեն ներկայացնում, ի պատասխան Տոնոյանն ասաց. «Չեմ կարծում, համակարգ է գործում»: