Սեուլ — Սան Ֆրանցիսկո թռիչքն է, ողևորները զբաղեցնում են իրենց տեղերը: Ճանապարհը երկար է, մոտ 10 ժամ: Հանկարծ իր տեղից վեր է կենում երիտասարդ կին՝ նորածին երեխայի գրկած, և սկսում է շրջել սրահում: Նա բոլոր ուղևորներին փոքրիկ փաթեթ է նվիրում:
Այս դեպքի մասին Ֆեյսբուքում պատմել են մի քանի օգտատերեր: Երիտասարդ մայրիկը ոչինչ չէր ասում, նա ուղղակի բաժանում էր միանման փաթեթներ:
Տոպրակի մեջ կոնֆետներ էին, ականջախցաններ և փոքր երկտող.
Ահա դրա թարգմանությունը.
-Ողջույն, իմ անունը Ջունվո է և ես արդեն 4 ամսական եմ: Բայց ես առաջին անգամ եմ նստում ինքնաթիռ և ինքս էլ չգիտեմ, թե ամեն ինչ ինչպես կանցնի: Եթե սկսեմ արտասվել կամ աղմկել, դա հատուկ չեմ անի: Ինձ հետ մայրիկս ու տատիկս են, կփորձեմ ինձ հանգիստ պահել: Բայց եթե աղմուկը խանգարի ձեզ, վերցրեք ականջախցանը և կոնֆետը: Ներեցեք և բարի թռիչք ձեզ:
Սակայն ամբողջ թռիչքի ընթացքում Ջունվոն ոչ մի անգամ չարտասվեց: Ուղևորների համար շատ հաճելի էր նման վերաբերմունքը, քանի որ քչերն են անհանգստանում ուրիշ մարդկանց մասին: