Զվարճալի պատմություն…Տրամաբանության քննության ժամանակ պրոֆեսորը հարցեր է տալիս ուսանողին

Պրոֆեսոր.

-Ինքնաթիռում կա 500 աղյուս: Մեկն ընկավ իքնաթիռից: Քանի՞ աղյուս մնաց:

Ուսանող.

-Դե դա հեշտ է: 499:

-Ճիշտ է: Հաջորդ հարցը: Ինչպե՞ս երեք գործողությամբ փղին տեղավորել սառնարանում:

-1. Բացել սառնարանը: 2. Փղին դնել ներսում: 3. Փակել սառնարանը:

 

— Անցանք առաջ: Ինչպե՞ս չորս գործողությամբ եղնիկին տեղավորել սառնարանում:

-1. Բացել սառնարանը: 2. Փղին հանել այնտեղից: 3. Դնել եղնիկին: 4.Փակել սառնարանը:

 

-Հիանալի է:

-Գազանների արքա առյուծի ծննդյան օրն է: Բոլոր կենդանիները եկել են շնորհավորելու, բացի մի կենդանուց: Ինչու՞:

-Որովհետև եղնիկը դեռ սարնարանի մեջ է:

-Գերազանց է,- ասում է պրոֆեսորը:-Հաջորդ հարցը: Արդյո՞ք կարող է տատիկը անցնել կոկորդիլոսներով ճահիճի միջով:

-Իհարկե կարող է: Բոլոր կոկորդիլոսները գնացել են առյուծի ծնունդը նշելու:

 

-Լավ: Իսկ հիմա վերջին հարցը:  Տատիկն անցավ դատարկ ճահիճը, բայց միևնույնն է մահացավ: Ի՞նչ պատահեց նրան:

-Հըըըըմմ, չգիտեմ, գու՞ցե սրտի կաթված :

-Ահա և ոչ: Նրա գլխին ընկավ աղյուսը, որը, ինչպես հիշում եք, ընկել էր ինքնաթիռից: Սիրելիս, մի շաբաթից կգաք վերահանձնելու…

Աղբյուր՝ Առաջին Ինֆո

Like this post? Please share to your friends: