Այս անչափ համեղ և բուրավետ մուրաբան շատ հեշտ է պատրաստվում, օգտակար է և կարող է վիտամիններով ապահովել նույնիսկ ձմռանը:
Անհրաժեշտ բաղադրիչներ.
- ազնվամորի՝ 1կգ
- շաքարավազ՝ 1 կգ
Պատրաստման եղանակ.
Ազնվամորու վրա լցնում ենք շաքարավազի 2/3 մասը և թողնում ենք մեկ գիշեր: Հետո ավելացած հյութը լցնում ենք կաթսայի մեջ, հասցնում ենք եռման, ավելացնում ենք մնացած շաքարավազը: Ընթացքում փրփուրը հանում ենք գդալով: Հենց դադարի ակակտիվորեն փրփուր առաջանալ, հանում ենք կրակից և թողնում ենք, որ մի քիչ սառի: Հետո ազնվամորին լցնում ենք օշարակի մեջ, կրկին դնում ենք շատ ցածր կրակի վրա և անդադար խառնելով և փրփուրը հանելով՝ հասցնում ենք եռման: Եռացնում ենք 5-7 րոպե և լցնում մաքուր բանկաների մեջ և փակում:
Բարի ախորժակ…
