Սա շատ հին փորձված բաղադրատոմս է: Սմբուկը ստացվում է համեղ և առանձնահատուկ:
Անհրաժեշտ բաղադրիչներ.
- սմբուկ՝ 2կգ
- տոմատի մածուկ՝ 800գ
- սխտոր՝ 150գ
- ձեթ՝ 1 բաժակ
- շաքարավազ՝ 250գ
- քացախ 9%՝ 2ճ.գ.
- աղ՝ 2ճ.գ.
- բուլղարական պղպեղ՝ 12 հատ
- մաղադանոս՝ ըստ ճաշակի
Պատրաստման եղանակ.
Տոմատի մածուկից պատրաստել տոմատի հյութ: Դրա համար 800գ մածուկը լուծել ջրի մեջ, որ ստացվի 3լ հյութ:
Ստացված հյութի մեջ ավելացնել ձեթը, շաքարավազը, աղը և քացախը:
Սմբուկը կտրատել կիսալուսնաձև, բուլղարական պղպեղը՝ ձողիկների, սխտորը մանր կտրատել: Մանրացրած բանջարեղենը լցնել տամատի հյութի մեջ և եփել թույլ կրակի վրա՝ փակ կափարիչի տակ, մոտ 30 րոպե: Ավելացնել կանաչին և եփել ևս մի քանի րոպե: Ստացված աղցանը լցնել ստերիլիզացված բանկաների մեջ և փակել:
Բարի ախորժակ: