-Ձեր լակոտ ոստիկաններին բացատրեք, որ իրենք ոստիկան են և ծառայություն իրականացնելիս լակոտի պես չեն պահում,-ասում էին ապամոնտաժվող սրճարանների աշխատակիցները՝ ոստիկանների մասին:
Ցուցարարները փակել են Թումանյան-Մաշտոցի պողոտան:
Ոստիկանության աշխատակիցները մի քանի ցուցարարի բերման ենթարկցին: Վերջիններին փորձում են հրելով դուրս բերել փողոցներից:
Այս պահին հարակից սրճարանների ապամոնտաժումը շարունակվում է։
Հիշեցնենք, որ 2018-ի փետրվարի 13-ին Երևանի քաղաքապետարանը ծանուցում է ուղարկել Օպերայի տարածքում գործունեություն իրականացնող տնտեսվարողներին՝ սահմանված ժամկետում տարածքն ազատելու պահանջով, ինչը չի կատարվել։
Երևանի ավագանու անդամ Թեհմինա Վարդանյանն այս առիթով գրառում է կատարել.
-Տպավորություն է, որ այս երկրում որևէ բան չի փոխվել. նույն կարմիր բերետավորները՝ անտանելի պահվածքով ու կեցվածքով, ժողովրդին քաշքշող ու հարվածող ոստիկանները, նույն գործելաոճը… Դե քաղաքապետն էլ նույն աշխատասենյակում նստած ստատուս է գրում, փոխանակ դուրս գա ու շփվի մարդկանց հետ՝ թաքնվելու փոխարեն։
Հը՞։ Բա՞ն էր փոխվել։ Չէէէ, չեմ լսել…
Հ. Գ. Նամուսն էլ ա լավ բան:
