Շատ պարզ տորթ՝ առանց թխելու: Կարծում ենք դուր կգա շատերին, քանի որ ոչ բոլորն են սիրում երկար ժամանակ անցկացնել խոհանոցում: Տորթը ստացվում է անչափ համեղ և բոլորին խորհուրդ ենք տալիս փորձել այն:
Ահնրաժեշտ բաղադրիչներ.
- շոկոլադե մեղրաբլիթ՝ 500գ
- թթվասեր՝ 500գ
- բանան՝ 3 հատ
- շաքարավազ՝ 50գ
- կակաո՝ 4 ճ.գ.
- շոկոլադ՝ ըստ ճաշակի
Սկսում ենք պատրաստել.
- Մեղրաբլիթը կտրատում ենք 2-3 շերտի:
- Հարիչով խառնում ենք թթվասերը, շաքարավազը և կակաոն՝ մինչ խիտ և միասեռ ստանալը:
- Բանանը մաքրում ենք և կտրատում:
- Վերցնում ենք լայն ափսե և դնում մեղրաբլիթները: Կտորների միջև դատարկ տարածությունը լցնում ենք մեղրաբլիթի փշուրներով: Քսում ենք կրեմի հաստ շերտ և հավասարեցնում այն: Կրեմի վրա դնում ենք բանանի կտորները և կրկին կրեմ ենք քսում: Հաջորդ շերտը մեղրաբլիթներն են, կրեմը, բանանը:
- Մեղրաբլիթի վերջին շերտին կրեմ ենք քսում և շոկոլադ քերում: Ցանկության դեպքում կարելի է զարդարել բալով:
- Պատրաստի տորթը հարկավոր է 24 ժամ թողնել սառնարանում, իսկ հետո մատուցել:
Բարի ախորժակ…
