Էջմիածին քաղաքում վերսկսել է Մանվել Գրիգորյանի դեմ բողոքի ակցիան:
Մասնակիցները հայտարարել են, որ ժամը երեքին ավտոերթով շարժվելու են դեպի Երևան: Այժմ նրանք քայլերթ են իրականացնում Էջմիածնի փողոցներում:
Բողոքող քաղաքացիներն ասում են.
-Մանվելի նման սրիկան, ով քաղաքը 20 տարի պահել է դիկտատուրայի մեջ, պետք է դատապարտվի: Մանվելը տեղ չունի այս սուրբ քաղաքում: Մենք այն քաղաքացիներն ենք, որոնք հասարակության մեջ նման տականքին չեն հադուրժելու, մենք ապացուցելու ենք, որ էջմիածինցին իրավատեր է: Մ. Գրիգորյանն այն տականքն է, ով ժամանակին թալանել է մեր երկիրը: Մենք թույլ չենք տալու, որ նա այլևս ազատ լինի:
-Մեր նպատակն է, որպեսզի դատավորը հասկանա, որ իրավունք չունի նման մարդուն ազատ արձակել: Մենք պահանջում ենք, որ նա անհապաղ ձերբակալվի: Եթե մեր պահանջը չկատարվի, մենք կդիմենք ավելի խիստ միջոցների,- նշել են բողոքի ակցիայի մասնակիցները:
Հիշեցնենք, որ այսօր ժամը 16:00-ին Վերքաննիչ դատարանում տեղի կունենա Մանվել Գրիգորյանի դատավարությունը:
Աղբյուր՝ Մամուլ
