Հրանուշ Հակոբյանը խնդրանքով դիմել է Նւկոլ Փաշինյանին

Հրանուշ Հակոբյանը՝ սփյուռքի նախկին նախարարը, «ԶԱՐԹՕՆՔ» պարբերականի հետ զրույցում խնդրել է Նիկոլ Փաշինյանին ևս մեկ անգամ քննարկել Սփյուռքի նախարարությունը փակելու հարցը։

Հրանուշ Հակոբյանը նաև նշել է․

-Այսօր ժողովուրդը բացարձակ վստահության քվե է տվել ՀՀ վարչապետին և նրա թիմին, և բնական է, որ վարչապետն է որոշելու երկրի զարգացման հիմնական առաջնահերթությունները։ Օգտվելով առիթից՝ ուզում եմ դիմել և խնդրել վարչապետին ևս մեկ անգամ քննարկելու նախարարության պահպանման հնարավորությունը՝ հաշվի առնելով, որ մեր ազգի 2/3-ը ապրում է հայրենիքից դուրս և նրանց հետ աշխատանքի հսկայական փորձ է կուտակվել, կան սերտ կապեր ու հարաբերություններ, որոնք հաստատել է տարիների ընթացքում փորձ և գիտելիքներ ձեռք բերած, գործին նվիրված, պատասխանատու և աշխատասեր երիտասարդներից կազմված թիմը։

«ԶԱՐԹՕՆՔ»-ը հարց է ուղղել Հակոբյանին, թե ինչպես է վերջինս՝ որպես նախարարության հիմնադիր, , մեկնաբանում նախարարության շուրջ բարձրացած աղմուկին, Հրանուշ Հակոբյաանը պատասխանել է․

-10 տարի առաջ, երբ Հանրապետության նախագահը ինձ առաջարկեց ստանձնել այդ պատասխանատու պաշտոնը և ձեռնարկել Սփյուռքի նախարարության ստեղծման գործընթացը, ես առաջարկեցի և խնդրեցի շարունակել քննարկումները, որպեսզի ճշգրտվեն նախարարության նպատակները, խնդիրները, գործառույթները, կառուցվածքը և այլն։ 2008թ-ի ապրիլին ձևավորված կառավարությունում այդպես էլ տեղ չգտավ Սփյուռքի նախարարությունը։ Վերջնական որոշում կայացվեց այն բացել հոկտեմբերի 1-ին։ Արդեն 3 ամիս անց, մեր փոքրիկ թիմի հետ մեզ պարզ դարձավ, որ 17 տարի ուշացումով է ստեղծվում այս նախարարությունը։ Սփյուռքի հետ աշխատանքների մի մասը ԱԳՆ-ն էր իրականացնում, մի փոքր հատված՝ ԿԳՆ-ն, իսկ բուն աշխատանքները, կապերն ու հարաբերությունները բարձիթողի վիճակում էին։

Հիշեցնենք, որ կառավարության կառուցվածքի փոփոխությունների նախագծով Սփյուռքի նախարարությունը փակվում է:

Աղբյուր՝  Մամուլ

Like this post? Please share to your friends: