Կուլիչի համար անհրաժեշտ բաղադրիչներն են.
- կաթ՝ 0.5լ
- թթվասեր՝ 0.5լ
- խմորիչ թարմ՝ 50գ
- մարգարին՝ 1/3 տուփ
- կարագ՝ 1/3 տուփ
- ձեթ՝ 50մլ
- ձու՝ 7 հատ, 2 սպիտակուցը թողնել ջնարակի համար
- օղի՝ 50գ
- շաքարավազ՝ 2 բաժակ
- աղ՝ 0.5 ճ.գ.
- վանիլին՝ 1տուփ
- չամիչ՝ 200գ
- ալյուր՝ 2.5-3կգ
- շաքարի փոշի՝ 1 բաժակ
Գոլ կաթի մեջ լուծել խմորիչը, ավելացնել շաքարավազը, աղն ու թթվասերը, իսկ հետո՝ կարագն ու մարգարինը: Ավելացնել առանձին հարած դեղնուցներն ու սպիտակուցները:
Ալյուրը լցնել մաս-մաս և հունցել խմոր, որ չկպչի ձեռքերին: Խմորը պատրաստելու ընթացքում ավելացնել օղին, վանիլինն ու չամիչը: Խմորը հունցելու ժամանակ ձեռքերին ձեթ քսել, որ հեշտ լինի: Խմորը ծածկել սրբիչով և տաք տեղ դնել:
Խմորի հասունանալու ընթացքում պետք է այն մեկ անգամ կրկին հունցել: Խմորը պիտի մնա մոտ 4 ժամ:
Երբ խմորը պատրաստ լինի, այն հարկավոր է լցնել ձևավոր տարրաների մեջ, որոնց մեջ նախորոք մարգարին եք քսել: Խմորը պիտի զբաղեցնի տարրայի մոտ 1/3-րդ մասը, քանի որ թխվելու ժամանակ շատ է բարձրանում: Երբ խմորը բարձրանա գրեթե մինչև վերջ, դնել 190-200 աստիճան տաքացրած ջեռոցը:
Ջնարակը պատրաստել 2 սառեցրած սպիտակուցից և 1 բաժակ շաքարի փոշուց: Լցնել կուլիչների վրա:
Այսքան բաղադրիչներից ստացվում է 10-12 կուլիչ:
