Այս տորթը շատերին ծանոթ է դեռ մանկուց: Հիմա կան այս տորթի պատրաստման բազմաթիվ բաղադրատոմսեր, սակայն մենք կներկայացնենք դասական տարբերակը:
Անհրաժեշտ բաղադրիչներ.
Բիսկվիթի համար.
- ալյուր՝ 1,5 բաժակ
- թթվասեր՝ 1 բաժակ
- ձու՝ 3 հատ
- կակաո՝ 2 ճ.գ.
- շաքարավազ՝ 1 բաժակ
- սոդա՝ 1թ.գ.
- խտացրած կաթ՝ 0,5 հատ
Ջնարակի համար.
- կակաո՝ 1 ճ.գ.
- շաքարավազ՝ 4 ճ.գ.
- կարագ՝ 50գ
- կաթ՝ 3 ճ.գ.
Կրեմի համար.
- կակաո՝ 1ճ.գ.
- խտացրած կաթ՝ 0,5 հատ
- կարագ՝ 200 գ
Սկսում ենք պատրաստել.
- Պատրաստեք կրեմը: Տարրայի մեջ լցրեք խտացրած կաթը, ավելացրեք կարագը: Հարիչի օգնությամբ լավ հարեք: Վերջում ավելացրեք կակաոն և խառնեք:
- Հետո պատրաստեք ջնարակը: Բոլոր բաղադրիչները խառնեք և եփեք մինչ եռալը: Ջնարակը պատրաստ է:
- Խմորի համար խորը տարրայի մեջ հարեք ձուն: Ավելացրեք շաքարավազը և հարեք հարիչով: Ստացված զանգվածին ավելացրեք խտացրած կաթը, թթվասերը և սոդան՝ քացախով կամ ջրով մարած: Խառնեք: Ավելացրեք ալյուրն ու կակաոն: Կրկին խառնեք:
- Թխելու թղթին քսեք կարագ կամ ձեթ և դրեք ձևավոր թավայի մեջ: Լցրեք խմորը և տեղադրեք 180 աստիճան տաքացրած ջեռոցը: Թխվում է մոտ 30-40 րոպե: Կարող եք ստուգել չոփիկի օգնությամբ:
- Երբ կորժը սառի, կտրեք այն երեք շերտի:
- Երկու շերտերին կրեմ քսեք: Իսկ վերջին շերտին լցրեք ջնարակը:
Բարի ախորժակ…
