Երբևէ իրական կյանքում տեսել եք այնպիսի դեպքեր, որ զույգ եղբայրները հանդիպեն զույգ քույրերի, սիրահարվեն և ամուսնանան…
Մարկը և Քրեյգը հերթական երեկույթի ժամանակ ծանոթացան գեղեցկուհի Դարլինայի և Դիանայի հետ: Նրանք առաջին իսկ վարկյանից հասկացան, որ այդ կանայք իրենց ճակատագիրն են:
Այս երկու զույգերը հանդիպում էին մի քանի ամիս, երբ որոշեցին օրինականացնել հարաբերությունները: Նրանց հարսանիքն առանձնահատուկ էր: Պատկերացնու՞մ եք, երկու միանման զույգ…նման բան ամեն օր չես տեսնի:
Մի տարի անց Դիանան զույգ տղաներ ունեցավ: Դա ունիկալ դեպք է: Երկրորդ զույգը նույնպես ունի երեխաներ, բայց նրանք զույգեր չեն: Սակայն, ինչպես ասում են, ամեն ինչ դեռ առջևում է…
Ընտանիքները շատ մտերիմ են: Չնայած մարդկանց այն կարծիքին, որ մի օր նրանք կշփոթեն իրենց կանանց կամ ամուսիններին, հարազատները գրեթե ամեն օր հանդիպում են և միասին ժամանակ են անցկացնում:
Ստացվում է շատ հետաքրքիր պատմություն: Երեխաների համար նրանք բոլորը երկկողմանի բարեկամներ են ստացվում: Մորաքույրը նաև հորեղբոր կին է, իսկ հորեղբայրը՝ նաև մորաքրոջ ամուսին:
Այս դեպքն իսկապես ունիկալ է: Հենց այդ պատճառով էլ ընտանիքների հանդեպ կա մեծ ուշադրություն, և նրանց հաճախ են հրավիրում տարբեր շոուների և հաղորդումների:
