Այս աղցանն ամանորյա սեղանին կպարգևի տոնի յորահատուկ մթնոլորտ, իսկ ձեզնից էլ շատ աշխատանք չի պահանջի:
Պատրաստվում է 15 րոպեում:
Բաղադրիչներ
Եփած երշիկ 130գ
Կանաչ ոլոռ 100գ
Պանիր 50գ
Ձու 2 հատ
Թարմ վարունգ 1 հատ
Սամիթ 1 դաստա
Մայոնեզ 2 ճ.գ.
Լոլիկ՝ ըստ ճաշակի, զարդարելու համար
Պահածոյացված եգիպտացորեն՝ ըստ ճաշակի, զարդարելու համար
Պատրաստման եղանակ
Վարունգը կտրատում ենք մանր խորանարթիկներով:
Նույն ձև կտրատում ենք երշիկը և քերում պանիրը: Ավելացնում ենք վարունգի վրա:
Ավելացնում ենք կանաչ ոլոռը, խորանարթաձև կտրատած ձուն և մայոնեզը: Աղ ենք լցնում:
Խառնում ենք աղցանը:
Լցնում ենք ափսեի մեջ՝ տոնածառի ձև տալով:
Աղցանը ամբողջությամբ պատում ենք մանր կտրատած սամիթով:
Զարդարում ենք մեջտեղից կտրած մանր լոլիկով և եգիպտացորենով:
Մեր ամանորյա աղցանը պատրաստ է: Կարելի է մատուցել:
Բարի ախորժակ…
Աղբյուր՝ Առաջին Ինֆո