Ձեր ուշադրությանն ենք ներկայացնում էկլերի փորձված բաղադրատոմս, ստացվում է թեթև և անչափ համեղ:
Անհրաժեշտ բաղադրիչներ.
խմորի համար.
- 200մլ ջուր
- 200գ ալյուր
- 0.5թ.գ. աղ
- 0.5թ.գ. շաքարավազ
- 4 ձու
- 100գ մարգարին
եփովի կրեմի համար.
- 500մլ կաթ
- 200գ շաքարավազ
- 50գ ալյուր
- 4 ձու
Պատրաստման եղանակ.
Առաջին հերթին կաթսայի մեջ լցնել ջուրը, աղն ու շաքարավազը: Դնել կրակին և հասցնել եռման աստիճանի:
Ավելացնել մարգարինը և խառնել՝ մինչ այն լիովին կհալվի:
Մաղելով լցնել ալյուրը և եփել ևս 2 րոպե՝ անդադար գդալով խառնելով: Արդյունքում պիտի խմորը պոկվի կաթսայի պատերից:
Հանել կրակից և սպասել, որ խմորը մի քիչ սառի:
Դրանից հետո մեկ-մեկ հատ ավելացնել ձուն: Ավելացնել մի ձուն և լավ խառնել, և այդպես շարունակ:
Խմորը լցնել հրուշակեղենային պարկի մեջ: Ջեռոցի տապակին յուղաթուղթ փռել: Խմորը պարկից լցնել տապակի մեջ՝ երկար կամ կլոր ձև տալով:
Տաքացնել ջեռոցը մինչ 200 աստիճան և թխել նախապատրաստած խմորը՝ 10 րոպե:
Դրանից հետո իջեցնել ջերմաստիճանը մինչ 170 աստիճան և թխել ևս 30 րոպե: Թխելու ընթացքում ոչ մի դեպքում չի կարելի բացել ջեռոցի դռնակը: Երբ այն պատրաստ լինի, անջատել ջեռոցը, սպասել, որ որոշ ժամանակ սառեն ներսում, և միայն այդ ժամանակ հանել տապակը: Այլապես էկլերի խմորները կարող են իջնել:
Պատրաստել կրեմը. կաթը լցնել կաթսայի մեջ և դնել կրակին: Հասցնել եռման աստիճանի:
Առանձին տարայի մեջ միացնել դեղնուցներն ու շաքարավազը նաև ալյուրը: Հարել:
Ավելացնել տաք կաթը և լավ խառնել:
Ընդհանուր զանգվածը դնել թույլ կրակին և եփել 5 րոպե: Հանել կրակից և թողնել, որ սառի: Լցնել պարկի մեջ, էկլերի խմորի վրա փոքր անցք անել և լցնել կրեմը:
Ցանկության դեպքում շաքարի փոշի ցանել և մատուցել:
Բարի ախորժակ:
Նյութը հրապարակման պատրաստեց Arajininfo.ru կայքը
