Այս ուտեստը կօգնի ձեզ մաքրել աղիների պատերը և ազատվել ավելորդ քաշից:
Բացի այդ, այն կարգավորում է ստամոքսային հյութի արտադրումը:
Այս վիտամինային աղցանը պատրաստված է բանջարեղենի տեսակներից, որոնք հարուստ են վիտամիններով, միկրոէլեմենտներով, մանրաթելերով և պեկտինով: Աղցանը շատ ցածր կալորիականությամբ է, այդ պատճառով էլ հարմար է օգտագործել դիետայի ժամանակ:
Բաղադրիչներ
Կաղամբ
Գազար
Բազուկ
Կանաչ տերևային բանջարեղեն, օրինակ սպանախ կամ հազար
Կիտրոնի հյութ
Ձիթայուղ
Պատրաստման եղանակ
- Վերցրեք կաղամբի 1 մաս, գազարի 1 մաս և բազուկի 1 մաս: Բարակ կտրատեք կաղամբը, գազարը և բազուկը խոշոր քերեք:
- Տերևային բանջարեղենը կտրատեք, կարելի է նաև այլ կանաչի ավելացնել:
- Համեմեք կիտրոնի հյութով, ձիթայուղով, ցանկության դեպքում նաև ճզմած սխտորով:
- Ցանկալի է չավելացնել աղ, անհրաժեշտության դեպքում՝ աղի փոխարեն, կարելի է սոյայի սոուս լցնել:
