11 միրգ նրանց համար, ում արյան մեջ շաքարի մակարդակը բարձր է

Fithacker.ru-ն գրում է, որ դիաբետի առկայության դեպքում կենսակերպը մեծ նշանակություն ունի։ Եթե տառապում եք այս հիվանդությամբ, նշանակում է՝ պետք է ֆիզիկապես ակտիվ լինեք, կարողանաք ղեկավարել սթրեսը, հետևել առողջ սննդակարգի կանոններին։ Այս 11 մրգերը սննդակարգ կարող են ներառել նաև դիաբետով տառապող անձինք, քանի որ դրանք ցածր գլիկեմիկ ինդեքս ունեն։

  1. Խնձոր։ Խնձորն օրգանիզմն ապահովում է վիտամին C-ով, հակաօքսիդանտներով ու բջջանյութով։
  2. Բալ։ Բալի գլիկեմիկ ինդեքսը 22 է։ Այն հարուստ է վիտամին C-ով, երկաթով, կալիումով, ֆոլաթթվով, հակաօքսիդանտներով ու բջջանյութով։
  3. Սև սալոր։ Սև սալորը մի շարք նյութեր է պարունակում, որոնք հարկավոր են դիաբետով տառապող անձանց։
  4. Գուավա։ Այս միրգը մեծ քանակով վիտամին C ու կալիում է պարունակում, որոնք օգնում են հավասարակշռել արյան մեջ շաքարի մակարդակը։
  5. Թուրինջ։ Թուրինջի գլիկեմիկ ինդեքսը 25 է։ Այն վիտամին C ու բջջանյութ է պարունակում։
  6. Ավոկադո։ Ավոկադոն օգնում է հավասարակշռել արյան մեջ շաքարի մակարդակը։ Այն բջջանյութ ու հագեցած ճարպեր է պարունակում։ Այս միրգն օգնում է պահպանել սրտի առողջությունը։
  7. Կիվի։ Այս միրգը ևս հարուստ է վիտամին C-ով, բջջանյութով ու կալիումով։ Այն ընդամենը 56 կալորիա է պարունակում։
  8. Ծիրան։ Ծիրանը մոտավորապես 19 կալորիա է պարունակում և ապահովում է վիտամին A-ի օրվա չափաբաժնի 50 տոկոսը։
  9. Դեղձ։ Դեղձը մեծ քանակով կալիում, բջջանյութ, A և C վիտամիններ է պարունակում։
  10. Նարինջ։ Այս ցիտրուսային միրգը կօգնի թարմանալ, կնպաստի առողջության պահպանմանը։
  11. Տանձ։ Տանձը մեծ քանակով բջջանյութ ու A. B1, C, E վիտամիններ է պարունակում։ Այն օգնում է բարձրացնել իմունիտետը, իջեցնել խոլեստերինի մակարդակը և կարգավորել արյան մեջ շաքարի մակարդակը։

Նյութի աղբյուրը

Հավանե՞լ եք նյութը. Կիսվեք ընկերների հետ
error: Content is protected !!