Պարզվում է շաքար օգտագործելն այնքան էլ վնասակար չէ. ահա՝ թե ինչու

Նյու Յորքի համալսարանի գիտնականները ներկայացրել են մի զեկույց, որում ապացուցված է, որ շաքարի վնասակարության մասին մարդկանց պատկերացումները երբեմն խիստ չափազանցված են լինում:Այս մթերքը հաճախ անվանվում է թույն, մինչդեռ դա պարզապես մարքեթինգային քայլ է: Սննդաբան Մարիոն Նեսլի խոսքով՝ իրականում մարդը կարող է օրվա ընթացքում 12.5 թեյի գդալ շաքար օգտագործել՝ առանց օրգանիզմին վնաս հասցնելու:Նեսլը կարծում է, որ այս քայլն առաջին հերթին ձեռնտու է շաքարավազի փոխարինիչ արտադրողներին, սակայն այդ փոխարինիչներն ավելի օգտակար համարելն անիմաստ է, քանի որ նույնիսկ մեղրը, թխկու օշարակն ու ագավան կենսաբանական տեսանկյունից նույն կերպ են ազդում օրգանիզմի վրա, ինչ և շաքարավազը:

Մասնագետի խոսքով՝ շատ ավելի ճիշտ կլինի նախապատվությունը շաքար պարունակող սննդամթերքին տալը, քանի որ հակառակ դեպքում մթերքն, ամենայն հավանականությամբ, կպարունակի արհեստական քաղցրացուցիչներ, իսկ դրանց ազդեցությունն օրգանիզմի վրա դեռ լիովին ուսումնասիրված չէ:

Պրոֆեսորը հերքել է նաև այն պնդումը, որի համաձայն շաքարավազը կարող է նաև դառնալ ավելորդ քաշի առաջացման պատճառ: Նրա խոսքով՝ առողջական խնդիրներն ու ճարպակալումը պայմանավորված են ոչ թե շաքարավազի գործածությամբ, այլ բարձր կալորիականություն ունեցող սննդամթերք օգտագործելով:

Հավանե՞լ եք նյութը. Կիսվեք ընկերների հետ