charset="UTF-8"> Սա ամոթալի պահվածք է...ըստ Էդմոն Մարուքյանի՝ Փաշինյանի հայտարարությունը «հեքիաթ» է

Սա ամոթալի պահվածք է…ըստ Էդմոն Մարուքյանի՝ Փաշինյանի հայտարարությունը «հեքիաթ» է

ԱԺ «Լուսավոր Հայաստան» խմբակցության ղեկավար Էդմոն Մարուքյանն իր ֆեյսբուքյան էջում խոսել է մասին, որ կառավարությունը չի ընդունել «Լուսավոր Հայաստան» խմբակցության օրենսդրական նախաձեռնությունը՝ արտասահման մեկնած քաղաքացիների կենսաթոշակը վճարելու վերաբերյալ: Մարուքյանը գրել է, որ ըստ իրեն՝ դա ամոթալի է, և նախաձեռնությունը պետք չէր մերժել:

Похожее изображение

Մարուքյանն իր էջում, մասնավորապես, գրել է.

-Ուժի մեջ է մնում նախկին իշխանությունների կողմից ընդունված խայտառակ իրավակարգավորումը…

Սիրելի՛ քաղաքացիներ,

Կառավարությունը մերժել է «Լուսավոր Հայաստան» խմբակցության օրենսդրական նախաձեռնությունն արտասահման մեկնած քաղաքացիների կենսաթոշակը վճարելու վերաբերյալ։

Այսինքն ուժի մեջ է մնում նախկին իշխանությունների կողմից ընդունված իրավակարգավորումը, որի համաձայն՝ հազարավոր քաղաքացիներ արտասահման մեկնելու դեպքում մեկ տարի հետո այլևս չեն ստանում իրենց հասանելիք կենսաթոշակը, մինչդեռ աշխարհի զարգացած պետություններում այդ խնդիրը վաղուց կարգավորված է, քանի որ կենսաթոշակն անձի սեփականությունն է՝ անկախ նրա երկրում գտնվելու կամ չգտնվելու հանգամանքից։

Հեքիաթ է կառավարության այն պնդումը, որ երկրում կան տասնյակ հազարներով թոշակառուներ, որոնք գոյություն չունեն և թոշակ են ստանում։ Արդեն մեկ տարի է, ինչ իշխանության ղեկին եք և եթե նման տեղեկատվություն ունեք, ապա ինչու՞ չեք միջոցներ ձեռք առնում դա դադարեցնելու համար։

Ինչ վերաբերվում է կառավարության կողմից նշվող այն հիմնավորմանը, թե մեր կողմից առաջարկվող կարգավորման պարագայում հնարավոր է, որ մահացած անձանց փոխարեն կենսաթոշակն ստանան այլ անձիք, ընդհանրապես չի համապատասխանում իրականությանը, քանի որ ներկայումս մեզ հասանելի տեխնիկական միջոցները հնարավորություն են տալիս իրականացնել մինիմալ և օպտիմալ վարչարարություն՝ ստուգելու համար անձի ողջությունը և ըստ այդմ վճարելու նրա կենսաթոշակը։

Սա ամոթալի պահվածք է, որին մենք շարունակելու ենք հակադրվել:

 

Like this post? Please share to your friends: