charset="UTF-8"> Արդեն անփոխարինելի դարձած Ցեզար աղցանը՝ առանձնահատուկ սոուսով...ավելի համեղ, քան ռեստորանում

Արդեն անփոխարինելի դարձած Ցեզար աղցանը՝ առանձնահատուկ սոուսով…ավելի համեղ, քան ռեստորանում

Առաջարկում ենք պատրաստել աղցան Ցեզարն այս բաղադրատոմսով: Վստահ եղեք, որ համը դեռ երկար կհիշեք, իսկ հյուրերը կխնդրեն սոուսի գաղտնիքը:

Картинки по запросу цезарь салат

Անհրաժեշտ բաղադրիչներ.

  • Հազար — 1 կապ
  • Հավի կրծքամիս — 300 գր․
  • Հաց — կես բուխանակա կամ բատոն
  • Լոլիկ — չերի կամ 1 սովորական մի ջին չափի
  • Պանիր Պարմեզան — 50 գր․
  • Սիրելի համեմունքների խումբ՝ համեմի սերմ, չաման, պղպեղներ, չոր աջիկա

սոուսի համար.

  • Ձվի դեղնուց — 1 հատ
  • Սխտոր — 1 ատամ
  • Ձիթայուղ
  • Մանանեխ — 1 թ․ գդ․
  • Մայոնեզ — 1 թ․ գդ․
  • Կիտրոն — 1 հատ
  • Աղ՝ ցանկալի է ծովի աղ օգտագործել

Պատրաստման եղանակ.

  • Հարկավոր է հավի կրծքամիսը նախապես խաշել և համաչափ միջին խոշորության քառակուսի կտորների բաժանել
  • Կտրատված հավի կրծքամսի վրա աղ ենք ցանում, սիրելի համեմունքների խառնուրդից ենք ավելացնում, ես բաղադրիչների ցանկը տեսանյութի տակ կթողնեմ
  • Ձիթայուղ ենք ավելացնում և դնում կրակին
  • Այն պետք է տապակենք, որպեսզի ոսկեգույն կեղև կապի և դառնա խրթխրթան, կարելի է նաև կրտատել տապակելուց հետո, դա էլ է տարբերակ
  • Մինչ այն կպատրաստվի մենք նախապատրաստենք չորահացը, կարելի է իհարկե ձեռք բերել արդեն պատրաստի համեմված չորահաց, բայց էկո աղցան ստանալու համար, եկեք մենք ինքներս պատրաստենք սովորական թարմ հացից այս պարզ հաջորդականությամբ
  • Նույն խոշորության քառակուսիների նաև հացը վերածենք, որը հավի կրծքամսի նման պետք է տապակենք
  • Սովորաբար խոհանոցում, հատկապես աղցանների մեջ ես պարտադիր օգտագործում եմ ծովի աղ, այն առավել ընդգծված համ է հաղորդում ուտեստին, ունի շատ օգտակար հատկություններ։ Պարզապես պետք է ծովի աղն էլ ճիշտ ընտրել
  • Հաջորդը հացի վրա ցանում ենք մեր սիրելի համեմուքների խառնուրդը
  • Իսկ ձիթայուղերից աղցանների համար վերցրեք զեյթունի ձիթայուղ, ինձ նման ինքներդ ստեղծեք ձեր հագեցված համով ձիթայուղը, մեջը ավելացնելով դափնու տերև, բահար, կծու պղպեղի շերտեր, ինչ սիրում եք
  • Հացն էլ կտապակենք, կեղև կապելուց հետո կդնենք կողքի
  • Այժմ սուսը պատրաստելու ժամանակն է՝ վերցնում ենք մեկ ձվի դեղնուց, վրան ավելացնում սիրելի ձիթայուղը, ծովի աղը, մեկ թեյի գդալ  մայոնեզ, մեկ թեյի գդալ մանանեխ և հարիչով այսքանը հարելու ենք
  • Դուք իհարկե կարող եք չպատրաստել Ցեզարի դասական սոուսը, այլ պարզապես կարող եք գնել մայոնեզ կամ թթվասեր, այդպես էլ համեղ կստացվի, բայց քանի-որ որոշել ենք հյուրերին զարմացնել, ուրեմն պետք է մի փոքր ջանք թափենք։
  • Կիտրոնը կիսում ենք և հյութը ճզմում սոուսի մեջ
  • Պարմեզան պանիրը նաև մի փոքր հարկավոր է քերել սոուսի մեջ, կրկին հարել
  • Վերջում ավելացնել սխտորի մեկ ատամ, միջին չափով կտրատելով ավելացնենք սոուսին և հարենք
  • Սոուսը պատրաստ է դնում ենք կողքի
  • Լոլիկը կարող է չերի լինել, մեր դեպքում այն սովորական միջին չափի լոլիկ է, մեկ հատը այս դեպքում բավական է, հարկավոր է այն մյուս բաղադրիչների չափով կտրատել
  • Բաղադրիչները բոլորը արդեն պատրաստ են, ժամանակն է հավաքելու աղցանը
  • Առաջին հիմնական շերտը հազարի տերևներն են և կտրատված մարոլը, հարկավոր է լավ մեծ փռված ափսե վերցնել, քանի որ այս  աղցանը չեն խառնում, իսկ նման ափսեով շքեղ տեսք է ստանում աղցանը
  • Մարոլի տերևների վրա հավի կրծքամիսն ենք շարում, կարելի է ասել շաղ տալիս, աղցանն ինքնին պետք է երկրաչափական հստակությամբ չհավաքենք, այլ հնարավորինս անփույթ կերպով ստեղծագործական խառնաշփոթ ստանանք
  • Աղը շատ չենք ցանելու, քանի որ ամեն բաղադրիչի մեջ արդեն որոշ չափով կա
  • Սոուսը պետք է պարբերաբար լցնենք շերտերի վրա
  • Հաջորդում է լոլիկը, ի դեպ աղցանը պետք է հավաքել հյուրերի գալուց անմիջապես առաջ, որպեսզի այն չփչանա
  • Ընդ որում չորահացը ամենավերևի շերտում պետք է լցնել, որ հնարավորինս երկար չոր մնա
  • Նորից սոուս․․․
  • Մի փոքր կիտրոն ենք ճզմում աղցանի վրա, եթե կիտրոնի թթվությունը ձեզ դուր չի գալիս կարող եք հրաժարվել
  • Ցեզար աղցանի վրա իտալական չոր պարմեզան պանիր ենք քերելու, որն առաջներում ոսկուն համարժեք էր իր գնով, անգամ գրավի տակ էր դրվում։ Վերջ։
  • Картинки по запросу цезарь салат

Շքեղ աղցան, աննկարագրելի նուրբ համով։

Բարի ախորժակ:

Աղբյուր՝ Ինֆո Ուղեցույց

Like this post? Please share to your friends: