charset="UTF-8"> Այսպիսի կարտոֆիլ հաստատ չեք պատրաստել. սա ամենահամեղ խավարտն է, որ երբևէ փորձել եմ

Այսպիսի կարտոֆիլ հաստատ չեք պատրաստել. սա ամենահամեղ խավարտն է, որ երբևէ փորձել եմ

Կարտոֆիլի պատրաստման տարբեր բաղադրատոմսեր կան, բայց որպես խավարտ՝ այն հիմնականում օգտագործում ենք տապակած, եփած կամ պյուրեի տեսքով:

Եթե ցանկանում եք ինչ-որ յուրահատուկ և համեղ մի բան պատրաստել, ապա այս բաղադրատոմսը ձեզ համար է:

Պանրով կարտոֆիլ՝ ջեռոցում

Բաղադրիչներ

կարտոֆիլ՝ 1 կգ

պինդ պանիր՝ 50 գ

կարագ՝ 30 գ

մայոնեզ՝ 1 ճ.գ.

մանրեցրած սամիթ՝ 1 ճ.գ.

աղ՝ 1/2 թ.գ.

սխտոր՝ 4 պճեղ

 

Պատրաստման եղանակ

Սկզբում հարկավոր է լավ լվանալ կարտոֆիլը և պատառաքաղով ծակծկել:

Դնում ենք ջեռոցը՝ 45 րոպե-1ժամ, դա կախված է կարտոֆիլի չափից: Ջերմաստիճանը 180-200:

Մինչ կարտոֆիլը եփվում է, քերում ենք պանիրը:

Հետո խառնում ենք պանիրն ու փափկած կարագը, նաև ավելացնում ենք ճզմած սխտորը, կանաչին, մայոնեզը և ցանկացած համեմունքներ:

Ստացված զանգվածից գնդիկներ ենք սարքում:

Երբ կարտոֆիլը պատրաստ լինի, վրան կտրվածքներ ենք անում, ինչպես պատկերված է նկարում:

Յուրաքանչյուր կարտոֆիլի կտրվածքի մեջ դնում ենք պանրային գնդիկ և երկու րոպեով դնում ջեռոցը:

Սա կդառնա ձեր ամենասիրելի խավարտը:

 

Like this post? Please share to your friends: