charset="UTF-8"> ԱԺ ընտրություններում էլեկտրոնային եղանակով քվեարկությունը մեկնարկել է

ԱԺ ընտրություններում էլեկտրոնային եղանակով քվեարկությունը մեկնարկել է

Արտահերթ խորհրդարանական ընտրություններում էլեկտրոնային եղանակով քվեարկությունը սկսվել է նոյեմբերի 30-ին՝ Երևանի ժամանակով ժամը 08։00-ին:

Դեկտեմբերի 9-ին կայանալիք ԱԺ արտահերթ ընտրություններում էլեկտրոնային եղանակով քվեարկության համակարգի մեկնարկը տրվել է ԿԸՀ արտահերթ նիստում:

Էլեկտրոնային քվեարկությունը կավարտվի 2018 թվականի դեկտեմբերի 2-ին` Երևանի ժամանակով ժամը 20:00-ին: Էլեկտրոնային եղանակով քվեարկելու իրավունք ունի 729 քաղաքացի:

Կենտրոնական ընտրական հանձնաժողովի որոշմամբ սահմանվել են Ազգային ժողովի արտահերթ ընտրություններին մասնակցող կուսակցությունների, դաշինքների քվեաթերթիկների նմուշները, ինչպես նաև քվեաթերթիկի էլեկտրոնային տարբերակի նմուշը:

Արտահերթ խորհրդարանական ընտրություններն անցկացվելու են դեկտեմբերի 9-ին: Քարոզարշավը սկսվել է նոյեմբերի 26-ին:

Աղբյուր՝ Լուրեր.com

 

Like this post? Please share to your friends: