Այս բաղադրատոմսով պատրաստված նրբաբլիթները ստացում են փափուկ, համեղ, և շատ ախորժելի:
Անհրաժեշտ բաղադրիչներ.
- ալյուր՝ 160գ
- ձու՝ 3 հատ
- կաթ՝ 500մլ
- ձեթ՝ 3ճ.գ.
- թթվասեր՝ 50գ
- շաքարավազ՝ 2ճ.գ.
- աղ՝ 1/3թ.գ.
Անթերի նրբաբլիթների պատրաստման եղանակը.
Խորը տարայի մեջ հարել ձուն, շաքարավազն ու աղը: Խառնուրդը հարել այնքան, որ թեթև պղպջակներ առաջանան: Ավելացնել ալյուրի և շաքարավազի խառնուրդը. լավ խառնել, որ գնդիկներ չմնան:
Ստացված զանգվածին ավելացնել 250մլ կաթը և խառնել՝ մինչ միասեռ զանգված ստանալը:
Մնացած կաթը՝ 250մլ, տաքացնել, բայց չեռացնել: Կաթը պիտի տաք լինի, բայց ոչ այրող: Սա նույնպես ավելացնել խմորին և ևս մի անգամ խառնել: Խմորին ավելացնել ձեթն ու թթվասերը, խառնել և թողնել, որ 10-15 րոպե հանգստանա:
Տապակին ձեթ քսել և լավ տաքացնել: Մի քիչ խմոր լցնել և շրջանաձև շարժելով տապակը՝ խմորը հավասարաչափ բաշխել մեջը: Հենց նրբաբլիթների կողքի հատվածները պնդանան, փայտե գդալի օգնությամբ շուռ տալ: Տապակել նաև մյուս կողմից:
Վերջ, նրբաբլիթները պատրաստ են:
Նշված բաղադրիչների քանակից ստացվում է 16-20 հատ նրբաբլիթ:
Բարի ախորժակ:
Նյութը հրապարակման պատրաստեց Arajininfo.ru կայքը