Շատ համեղ է ստացվում, փքուն, թեթև․․․ և պատրաստելը շատ ժամանակ չի պահանջում։ Տանը պատրաստածից ավելի լավը չեք գտնի․․․
Անհրաժեշտ բաղադրիչներ․
- ալյուր՝ 900գ
- մածուն՝ 500մլ
- շաքարավազ՝ 2ճ․գ․
- աղ՝ 1թ․գ․
- ձու՝ 2 հատ
- հալացրած մարգարին՝ 100գ
- չոր խմորիչ՝ 9գ
- ձեթ՝ տապակելու համար
միջուկ․
- կարտոֆիլի պյուրե, տապակած սոխ, աղ, պղպեղ
կամ
- շոգեխաշած կաղամբ, սոխ, սամիթ, 2ճ․գ․ տոմատի մածուկ, աղ, պղպեղ
կամ ցանկացած այլ միջուկ, օրինակ եփած աղացած միս կամ պանիր։
Ինչպես պատրաստել ամենահամեղ կարկանդակները․
Մածունը տաքացնել մինչ 36 ջերմաստիճանի, ավելացնել հալացրած մարգարինը, ձուն, աղը, շաքարավազը և վերջում՝ խմորիչը։
Լավ խառնել։
Ավելացնել ալյուրը և փափուկ խմոր հունցել։
Ընդհանուր խմորին գնդիկի ձև տալ։ Մի քիչ ձեթ քսել, ծածկել կափարիչով և թողնել տաք տեղում։
30 րոպեից խմորը պատրաստ է լինում։
Խմորը բաժանել գնդիկների, գրտնակել սեղանի վրա՝ դրան նախապես ձեթ քսելով։
Մեջտեղի հատվածում միջուկ դնել, ամրացնել եզրերը և գեղեցիկ կարկանդակի տեսք տալ։
Տապակել լավ տաքացրած ձեթի մեջ։
Պատրաստի կարկանդակները դնել թղթե սրբիչի վրա։
Բարի ախորժակ։
Նյութը հրապարակման պատրաստեց Arajininfo.ru կայք
