Կիսվում ենք շատ համեղ և ախորժելի, շատ արագ թխվածքի բաղադրատոմսով։ Նուրբ խմորի և խնձորով հյութեղ միջուկի համադրությունն ուղղակի գերիչ է։
Անհրաժեշտ բաղադրիչներ․
- 350գ ալյուր
- 200գ կարագ կամ մարգարին
- 200գ թթվասեր
- վանիլին
- 1թ․գ․ փխրեցուցիչ
միջուկի համար․
- 4-5 միջին չափի խնձոր
- 150գ շաքարավազ
- 2ճ․գ․ կիտրոնի հյութ
- կիտրոնի քերած կեղև/դարչին/չամիչ՝ ըստ ցանկության
Պատրաստման եղանակ․
Խորը տարայի մեջ խառնել կարագը, թթվասերը և վանիլինը։ Ալյուրի կեսը խառնել փխրեցուցիչի հետ և մաղելով միացնել կարագով զանգվածի հետ։ Սկսել խմոր հունցել՝ ավելացնելով մնացած ալյուրը։ Արդյունքում պիտի ստացվի փափուկ, բայց ձեռքերին չկպչող խմոր։
Միջուկի համար խոշոր քերիչով անցկացնել խնձորները, ավելացնել կիտրոնի հյութ, շաքարավազ և ցանկության դեպքում կիտրոնի կեղև, չամիչ կամ դարչին։ Վերջում քամել ավելորդ հեղուկը։
Խմորն ուղղանկյունաձև գրտնակել՝ 15х30սմ, մեջտեղի հատվածում միջուկը բաշխել։ Սկզբում ծալել խմորը մի կողմից, հետո մյուս կեսով ծածկել ամբողջը։ Կտրատել 4-5սմ լայնությաբ կտորների։ Հարած ձու քսել և թխել տաքացրած ջեռոցում։ Թխել 200 ջերմաստիճանի ջեռոցում՝ մինչ գեղեցիկ ոսկեգույն դառնալը։ Պատրաստի խմորեղենին շաքարի փոշի ցանել։
Բարի ախորժակ։
Նյութը հրապարակման պատրաստեց Arajininfo.ru կայք