Այս խմորը կարող եք պահել սառնարանում 2-3 օր։ Պատրաստելու համար անհրաժեշտ է 5 րոպե, սակայն դրանցից ստացվում են ցանկացած միջուկով հրաշալի կարկանդակներ, բուլկիներ, հոթ-դոգներ։
Անհրաժեշտ բաղադրիչներ․
- կաթ՝ 500մլ
- ալյուր՝ 5 բաժակ, 700գ
- շաքարավազ՝ 2ճ․գ․
- աղ՝ 0,5թ․գ․
- ձեթ՝ 2ճ․գ․
- չոր խմորիչ՝ 11գ
Պատրաստման եղանակ․
Խորը տարայի մեջ լցնել 4 բաժակ ալյուր և խմորիչը։ Քիչ-քիչ ավելացնել գոլ կաթը, շաքարավազը, աղը և ձեթը։
Բոլոր բաղադրիչները խառնել գդալով։
Աստիճանաբար ավելացնել մնացած ալյուրը։
Խմորը լցնել տոպրակի մեջ և պահել սառնարանում։
2 ժամ անց այն պատրաստ է օգտագործման։ Կարող եք խմորը պատրաստել երեկոյան, իսկ առավոտյան թխել այն, ինչ ցանկանում եք։
Վերջ, խմորը հանել տոպրակից, թաթախել ալյուրի մեջ և ձևավորել կարկանդակները։ Կարելի է տապակել ձեթի մեջ կամ թխել ջեռոցում։
Բարի ախորժակ։
Նյութը հրապարակման պատրաստեց Arajininfo.ru կայքը