Ծակոտիներով նրբաբլիթներին կսիրահարվեք առաջին իսկ հայացքից: Ստացվում են օդային և փքուն, հալվում են բերանում:
Անհրաժեշտ բաղադրիչներ.
- կաթ՝ 650մլ
- ալյուր՝ 300գ
- սպիտակաձավար՝ 100գ
- դեղնուց՝ 2 հատ
- շաքարավազ՝ 1թ.գ.
- ձեթ՝ 1թ.գ.
- խմորիչ՝ 0,5 թ.գ.
- փխրեցուցիչ՝ 0,5թ.գ.
Պատրաստման եղանակ.
Խորը տարայի մեջ խառնել բոլոր չոր բաղադրիչները. մաղած ալյուր, սպիտակաձավար, շաքարավազ, խմորիչ, փխրեցուցիչ: Լցնել ձեթը, դեղնուցը, կաթը և լավ խառնել:
1-2 րոպե խառնել հարիչով կամ բլենդերով: Ծածկել կափարիչը և թողնել տաք տեղում՝ 1-1,5 ժամով:
Ստացված խմորի զանգվածը 2 անգամ կավելանա: Զգուշորեն խառնեք և սկսեք թխել նրբաբլիթները տաքացրած առանց ձեթի թավայի մեջ: Կրակը պիտի լինի միջինից քիչ թույլ: Հենց ծակոտիներով կողմը չորանա, նշանակում է, որ նրբաբլիթը պատրաստ է:
Նրբաբլիթները ստացվում են չեզոք համով, այնպես որ կարող եք պատրաստել դրանք ցանկացած միջուկով՝ և մսային, և քաղցր:
Բարի ախորժակ:
Նյութը հրապարակման պատրաստեց Arajininfo.ru կայքը