Մատչելի բաղադրիչներից պատրաստվող հրաշալի տորթ, որը դուր կգա շոկոլադի սիրահարներին: Տորթը ստացվում է փքուն, օդային և համեղ:
Անհրաժեշտ բաղադրիչներ.
- մածուն՝ 400մլ
- սոդա՝ 1թ.գ.
- շաքարավազ՝ 200գ
- ձու՝ 2 հատ
- ձեթ՝ 2ճ.գ.
- ալյուր՝ 350գ
- կակաո՝ 4ճ.գ.
կրեմի համար.
- եփած խտացրած կաթ՝ 1 տուփ
- ալյուր՝50գ
- դեղնուց՝ 2 հատ
- տաք ջուր՝ 350մլ
- շաքարավազ՝ 1ճ.գ.
Պատրաստման եղանակ.
Խորը տարայի մեջ մաղել ալյուրը: Ավելացնել շաքարավազը, կակաոն և սոդան: Լավ խառնել:
Այլ տարայի մեջ լցնել մածունը, ձեթը և ձուն: Լավ խառնել ձեռքի հարիչով՝ մինչև միասեռ զանգված կստացվի: Միացնել չոր և հեղուկ զանգվածները: Լավ խառնել և խիտ թթվասերի խտությամբ խմոր ստանալ:
Նախապատրաստել տապակը՝ դրան կարագ քսելով: Լցնել խմորը և հավասարեցնել: Ջեռոցը տաքացնել մինչև 180 աստիճան: Խմորով տապակն ուղարկել ջեռոցը: Թխել 40-50 րոպե: Պատրաստ լինելը ստուգել չոփիկով: Պատրաստի կորժը հանել ջեռոցից և թողնել, որ սառի:
Պատրաստել կրեմը: Դրա համար անհրաժեշտ է եփած խտացրած կաթին ավելացնել տաք ջուրը: Խառնել՝ մինչ միասեռ զանգված կստացվի: Ստացված զանգվածի կեսը լցնել բաժակի մեջ՝ պահելով կորժերը թրջելու համար: Իսկ մյուսի մեջ ավելացնել շաքարավազն ու ալյուրը:
Խառնուրդը լցնել փոքր կաթսայի մեջ և դնել կրակին: Անդադար խառնելով՝ եփել թույլ կրակի վրա: Կրեմը պատրաստ է: Հանել կրակից և թողնել, որ սառի:
Կորժերի կողքի հատվածներից կտրել, որ հավասար լինեն: Դա կարելի է անել կաթսայի կափարիչի օգնությամբ:
Սառած կորժը կտրել երկու կամ երեք շերտի: Լցնել խտացրած կաթով խառնուրդը: Կորժերին հերթականությամբ կրեմ քսել՝ տորթ հավաքելով: Տորթին բոլոր կողմերից կրեմ քսել և զարդարել շերտերից ավելացած մնացորդների փշուրով: Որպիսի գեղեցիկ ստացվի, կորժերի մնացորդները կարող եք ևս մի քանի րոպե թխել ջեռոցում:
Տորթը մի քանի ժամ պահել սառնարանում և մատուցել:
Բարի ախորժակ:
Նյութը հրապարակման պատրաստեց Arajininfo.ru կայքը