Համոզված ենք, որ տորթը դուր կգա ձեր ընտանիքի անդամներին, այն շատ յուղոտ չէ, միևնույն ժամանակ հյութեղ է և նուրբ՝ վանիլինի ու շոկոլադի հաճելի բույրով։
Անհրաժեշտ բաղադրիչներ․
- ալյուր՝ 125գ
- ձու՝ 4 հատ
- շաքարավազ՝ 150գ
- փխրեցուցիչ՝ 1թ․գ․
- կիտրոնի հյութ՝ 1թ․գ․
- բուսայուղ՝ 3ճ․գ․
- սերուցք՝ 50մլ
- շոկոլադ՝ 200գ
կրեմի համար․
- կաթ՝ 500մ;
- ձու՝ 2 հատ
- շաքարավազ՝ 100գ
- կրախմալ՝ 30գ
- վանիլին
- կարագ՝ 50գ
Պատրաստման եղանակ․
Կաթը եռացնել՝ մի քիչ վանիլին ավելացնելով։ Ձուն խառնել շաքարավազի և կրախմալի հետ։ Աստիճանաբար ավելացնել կաթին՝ անդադար խառնելով։
Կրեմը փոքր կաթսայով դնել միջին կրակին։ Հասցնել եռման աստիճանի և եռացնել 2 րոպե՝ անդադար խառնելով։ Հանել կրակից և ավելացնել կարագը։ Խառնել։
Կրեմը ծածկել տոպրակով և թողնել, որ սառի։
Մաղել ալյուրը, փխրեցուցիչը և 50գ շաքարավազ։ Առանձին խառնել դեղնուցները, կիտրոնի հյութը և բուսայուղը։ Սպիտակուցները հարել մնացած 100գ շաքարավազի հետ՝ մինչ սպիտակ փքուն փրփուր կստացվի։ Աստիճանաբար դեղնուցները միացնել սպիտակուցի հետ։ Չոր խառնուրդը բաժանել 3 մասի և քիչ-քիչ միացնել ավելացնել ձվային զանգվածի հետ՝ ընթացքում լավ խառնելով։
Թխել 175 ջերմաստիճանի ներքո՝ 30-40 րոպե։
Պատրաստի բիսկվիթը բաժանել 2-3 շերտի։ Յուրաքանչյուր կորժին արդեն սառած կրեմ քսել։
Ջնարակի համար տաքացնել սերուցքը և միացնել հալացրած շոկոլադի հետ։ Լցնել տորթի վրա։
Բարի ախորժակ։
Նյութը հրապարակման պատրաստեց Arajininfo.ru կայքը
