Ներկայացնում ենք շատ համեղ փակոցի բաղադրատոմս, որը դուր կգա բացարձակապես բոլորին:
Անհրաժեշտ բաղադրիչներ.
- 2կգ վարունգ
- 1կգ բուլղարական պղպեղ
- 500գ սոխ
- 2կգ լոլիկ
- 2լ ջուր
- սև հատիկավոր պղպեղ
- 1,5 ճ.գ. աղ
- 150մլ խնձորի քացախ
- 2 ճ.գ. շաքարավազ
Պատրաստման եղանակ.
- Կլորաձև կտրատում ենք վարունգը:
- Փոքր կտրոների ենք կտրատում լոլիկը:
- Այժմ մաքրում ենք սոխը և կտրատում կիսալուսնաձև:
- Մաքրում ենք պղպեղը սերմերից և բարակ երկար կտրատում:
- Ստերիլիզացնում ենք բանկաները և շերտերով դնում նախապատրաստված բանջարեղենը:
- Այժմ յուրաքանչյուր բանկայի մեջ 5-7 հատ հատիկավոր պղպեղ ենք ավելացնում:
- Պատրաստում ենք մարինադը: Դրա համար ջուրը դնում ենք կրակին, ավելացնում աղն ու շաքարավազը: Հասցնում ենք եռման աստիճանի:
- Ավելացնում ենք քացախը և լավ խառնում:
- Դրանից հետո մարինադը տաք վիճակում լցնում ենք բանկաների մեջ և ծածկում կափարիչով:
- Բանկաները դնում ենք խորը կաթսայի մեջ, ջուր լցնում և հասցնում եռման աստիճանի:
- Ստերիլիզացնելու ժամանակը կախված է ձեր բանկաների չափից՝ 15-30 րոպե:
- Վերջում փակում ենք բանկաները և պահում շուռ տված և ծածկված վիճակում՝ մինչ դրանց լիարժեք սառելը:
Բարի ախորժակ:
