Այս բաղադրատոմսով պատրաստված լավաշը ստացվում է փափուկ, անուշաբույր, հեշտ է փաթաթվում և չի փշրվում։ Այն հիանալի փոխարինիչ է բարձր կալորիականությամբ հացին։
Անհրաժեշտ բաղադրիչներ․
- ալյուր՝ 350գ
- տաք ջուր՝ 200գ
- ձեթ՝ 40գ
- աղ՝ 0,5թ․գ․
Պատրաստման եղանակ․
Ալյուրը լցնել խորը տարայի մեջ։ Մեջտեղի հատվածում փոքր փոսիկ անել և լցնել ջուրը, ձեթը և աղը։
Խառնել պատառաքաղով բոլոր բաղադրիչները։ Խմոր հունցել։ Այն պիտի բավականին ձիգ ստացվի։
Փակել սննդային տոպրակով և թողնել 15-20 րոպե։
Այնուհետև խմորը բաժանել հավասար 8-10 մասերի։ Յուրաքանչյուր կտորին լոշիկի ձև տալ և թաթախել ալյուրի մեջ։ Հետո շատ բարակ գրտնակել։ Դա կլինի մեր լավաշը։
Թխել լավաշները չոր, լավ տաքացրած թավայի մեջ՝ յուրաքանչյուր կողմից 25-30 վարկյան։
Պատրաստի լավաշները ծածկել խոնավ սրբիչով։
Բարի ախորժակ։
Նյութը հրապարակման պատրաստեց Arajininfo.ru կայք