Այս տորթը գերում է առաջին անգամ փորձելուց…այն շատ համեղ և նուրբ է ստացվում:
Անհրաժեշտ բաղադրիչներ.
- ձու՝ 2 հատ
- շաքարավազ՝ 1 բաժակ
- մածուն՝ 1 բաժակ
- մուրաբա՝ 1 բաժակ, ըստ ձեր ցանկության, օրինակ՝ սև հաղարջ, սալոր
- սոդա՝ 2թ.գ.՝ ոչ լիքը գդալ
- 2 բաժակ ալյուր
կրեմի համար.
- թթվասեր՝ 2 բաժակ
- շաքարի փոշի՝ 0,5-1 բաժակ, ըստ ձեր ցանկության
Պատրաստման եղանակ.
Բիսկվիթը պատրաստելու համար անհրաժեշտ է հարել 2 ձուն՝ 1 բաժակ շաքարավազի հետ միասին: Ավելացնել մածունը, մուրաբան, ալյուրը, սոդան:
Թխել 2 կորժ՝ 180 աստիճանի ներքո: Յուրաքանչյուր կորժը կտրել 2 շերտի:
Հարել խիտ թթվասերն ու շաքարի փոշին:
Հավաքել տորթը՝ բոլոր շերտերին կրեմ քսելով: Զարդարել ըստ ցանկության: Կորժերի միջև կրեմի հետ միասին կարելի է որևէ հատապտուղ կամ միրգ ավելացնել, օրինակ կլոր կտրատած բանան:
Թողնել սառնարանում՝ 2-3 ժամ և մատուցել:
Բարի ախորժակ: