Հրուշակագործը կիսվել է տորթի բոլոր գաղտնիքներով: Հրաշալի, փափուկ և ախորժելի տորթ «Կայսերական»:
Անհրաժեշտ բաղադրիչներ.
- 6 ձու
- 270գ շաքարավազ
- 225գ ալյուր
- վանիլին
- 50գ ընկույզ
- 70գ ծիրանաչիր
- 30գ կակաչի սերմ
կրեմի համար.
- 400գ եփած խտացրած կաթ
- 200գ սենյակային ջերմաստիճանի կարագ
- 300գ թթվասեր 27-30%, որքան հնարավոր է խիտ
- 200մկ շաքարով հասարակ օշարակ՝ պատրաստված նույն քանակությամբ ջրից և շաքարավազից, կորժերը թրջելու համար
Պատրաստման եղանակ.
Պատրաստել կորժերը: Հարել սպիտակուցները՝ շաքարավազի կեսի հետ միասին, մինչ սպիտակ խիտ փրփուր կստացվի: Դեղնուցները հարել վանիլինի և շաքարավազի մյուս կեսի հետ:
Միացնել դեղնուցն ու սպիատոկուցը: Աստիճանաբար ավելացնել մաղած ալյուրը: Խառնել: Ստացվում է թեթև խմոր:
Խմորը բաժանել երեք հավասար մասերի. մեկի մեջ ավելացնել մանրացրած ծիրանաչիրը, մյուսի մեջ՝ կակաչի սերմերը, երրորդի մեջ էլ՝ մանրացրած ընկույզը:
Կորժերը թխել նախօրոք տաքացրած ջեռոցում՝ 180 ջերմաստիճանի ներքո, մոտ 20-25 րոպե:
Պատրաստել կրեմը. դրա համար պետք է հարել սենյակային ջերմաստիճանի կարագը և խտացրած կաթը: Ավելացնել թթվասերը և խառնել՝ մինչ միասեռ զանգված կստացվի:
Կտրել կորժերի եզրերը՝ ամենախրթխրթան արտաքին հատվածները: Մանրացնել՝ փշուր դարձնելով:
Կորժերին օշարակ լցնել և կրեմ քսել: Շերտերը միմյանց վրա դնելով՝ տորթ հավաքել: Կրեմով պատել բոլոր կողմերից:
Տորթին բոլոր կողմերից փշուր լցնել և զարդարել մնացած կրեմով կամ քերած շոկոլադով: 2-3 ժամ թողնել սառնարանում և մատուցել:
Բարի ախորժակ:
Նյութը հրապարակման պատրաստեց Arajininfo.ru կայքը