Եթե սիրում եք թարմ ու անուշաբույր խաչապուրի, առաջարկում ենք ամենապարզ բաղադրատոմսը․ ամեն ինչ հեշտ ու արագ է։
Անհրաժեշտ բաղադրիչներ․
- սոդա՝ 2գ
- ձու՝ 1 հատ
- ալյուր՝ 2 բաժակ
- մածուն՝ 250գ
- աղ՝ 1թ․գ․
միիջուկի համար․
- կարագ՝ 50գ
- կաթնաշոռ 9%՝ 200գ
- պանիր՝ 200գ
- սև աղացած պղպեղ, աղ
Պատրաստման եղանակ․
Մածունը միացնել սոդայի հետ, ավելացնել աղը, ձուն և ալյուրը։ Խմոր հունցել։ Եթե խմորը մի քիչ կպնում է, կարող եք ձեռքերին ձեթ քսել։
Թողնել, որ խմորը 20 րոպե հանգստանա։
Պանիրն անցկացնել քերիչով, խառնել կաթնաշոռի և քերիչով անցկացրած կարագի հետ։
Համեմել աղով ու պղպեղով։
Խմորը բաժանել մի քանի մասի։ Գրտնակել, մեջտեղի հատվածում միջուկ դնել, ամրացնել եզրերը և ձեռքերով կամ գրտնակով հարթեցնել՝ բարակ շրջան ստանալով։ Հաստությունը պիտի լինի մոտ 1,5սմ։
Ծակծկել պատառաքաղով և թխել չոր թավայի մեջ՝ երկու կողմից, թույլ կրակի վրա։ Պատրաստի տաք խաչապուրիներին կարագ քսել և դնել միմյանց վրա։
Բարի ախորժակ։
Նյութը հրապարակման պատրաստեց Arajininfo.ru կայքը