Մի քանի օրից Դանիել Յոզեֆը պիտի նշեր իր 14 ամյակը: Նրա 17 տարեկան քույրը օգոստոսի 11-ին հայտնաբերեց Դանիելին՝ կախված վիճակում: Տղայի դժբախտացած ծնողները չեն համակերպվում որդու կորուստի հետ: Դանիելը դարձել էր բուլինգի զոհ՝ համադասարանցիները նրան անդադար ծաղրում էին, ինչի հետևանքով էլ տղան իքնասպան եղավ:
Տղան նամակ էր թողել, որտեղ գրել էր, որ այլևս չի ուզում ապրել: Նա մանրակրկտորեն պատմել էր, թե ինչպես են վեցերորդ դասարանի տղաները իր դեմ դուրս եկել:
—Էնթոնին, Ջոնը, Մարկոն և Խոսեն մշտապես ծաղրում էին ինձ: Ես մի օր կռվեցի Էնթոնիի հետ, և նրանք դադարեցին ծաղրել: Մեր վեճը չկանգնեցրեց միայն Էնթոնիին, և նա այդ օրը կոտրեց իմ ճկույթը:
Դանիելը դարձել էր ավազակների զոհ՝ իր ավելորդ քաշի, գնահատականների, ուրիշներից տարբերվելու պատճառով:
—Ես հանձնվում եմ: Ուսուցիչները ոչինչ չեն ձեռնարկում, որպիսի կանխեն այս ամենը,-գրել է տղան:
Վշտացած հայրն իր ֆեյսբուքյան էջում հրապարակել է տեսանյութ, որտեղ դիմում է ողջ աշխարհին: Նա ասում է, որ ոչ մի երեխա չպետք է տառապի իր որդու նման:
Ծնողները վաղուց նկատել էին, որ Դանիելը դպրոցում խնդիրներ ունի, սակայն տնօրենը նրանց վստահեցրել էր, որ ամեն ինչ կարգին է, և բոլոր խնդիրները տեղում լուծվում են:
Տղայի հայրը դիմել է նաև որդուն ինքնասպանության հասցրած տղաների ծնողներին.
—Դուք նրանց գրկելու եք… ամեն օր, մինչև կյանքի վերջ: Ձեր փոքր հրեշները զրկեցին ինձ՝ որդուս գրկելու հնարավորությունից:
Դանիելի հայրը խնդրում է բոլորին ավելի մեծ ուշադրություն դարձնել բուլինգի խնդրին, երեխաների դաժանությանը, քանի որ հետևանքները կարող են լինել ողբերգական:
